კარლო ანჩელოტიმ „სელტასთან“ დაპირისპირების წინ პრესკონფერენცია გამართა და ძალიან საინტერესო საკითხებზე ისაუბრა.

„კარვახალის დაკარგვა ჩვენთვის მძიმე ზიანია, როგორც გუნდური, ასევე ფსიქოლოგიური თვალსაზრისით. ჩვენ დაგვაკლდა გუნდის ლიდერი მინდორზეც და გასახდელშიც. დანი ძალიან დიდ ავტორიტეტს ფლობს, რასაც პირველ რიგში მისი ავტორიტეტი განაპირობებს.“

„კარგი შეგრძნებები გვაქვს. რამდენიმე ფეხბურთელს ეროვნულ ნაკრებებთან კვეთა არ ჰქონია, ამან კი კარგად მომზადების საშუალება მოგვცა.“

„როდრიგომ და ვალვერდემ დიდი დატვირთვები მიიღეს, ბევრი იფრინეს და დაიღალნენ. არ ვიცი, დავასვენებ თუ არა მათ „სელტასთან“ დაპირისპირებაში, თუმცა როტაციის საშუალება ნამდვილად გვაქვს.“

„მბაპე ნაკრებში არ გაემგზავრა, რაც მის ფიზიკურ კონდიციებზე შესანიშნავად აისახა, ის დიდ დატვირთვებს თავისუფლად უძლებს, აღდგენითმა პროცესმაც იდეალურად ჩაიარა.“

„იანვრის ტრანსფერებზე ახლა არ ვფიქრობთ, რადგან წინ ურთულესი კალენდარია. შესაძლოა რამე შეიცვალოს, მაგრამ ამ ეტაპზე ეს მოცემულობაა. ზამთარში რთულია ისეთი ფეხბურთელის ყიდვა, რომელიც „ბლანკოსის“ სტანდარტს დააკმაყოფილებს.“

„დავიდ ალაბა სრულფასოვანი დატვირთვით ვარჯიშს მალე დაიწყებს. ავსტრიელის აღდგენითი პროცესი ბოლო ფაზაშია.“

„მარჯვენა მცველის პოზიცია? პირველი ვარიანტი ვასკესია, ხოლო მეორე ედერ მილიტაო.“

„ვინისიუსს დასვენება სჭირდებოდა. კარგია, რომ ის ესპანეთში დარჩა და კუნთები მნიშვნელოვნად განტვირთა.“

„გუნდი ბევრად მოტივირებული და გაძლიერებულია. მიხარია, რომ ამ დონემდე მივედით.“

„ტუხელს ყოველივე საუკეთესოს ვუსურვებ, ინგლისის ნაკრების მთავარი მწვრთნელობით მან დიდ გამოწვევას უპასუხა.“

„ინგლისელთა შემოთავაზება ჩემს მიმართ? მსგავსი რამ არ მომხდარა.“

„ჯუდ ბელინგემი კარგად ვარჯიშობს. ინგლისელი ფეხბურთელი მოტივირებულია და სათამაშოდ 100%-ით მზად არის.“

„ვასკესს აქამდე დიდი დრო არ ჰქონია, მან ვარჯიშებზე ყველას აჩვენა, რომ ენერგიით სავსეა. რა თქმა უნდა, ყველა შეხვედრაში ბოლომდე ვერ დაიტვირთება, თუმცა მას ძალიან ხშირად მოუწევს მოედანზე ყოფნა.“

„მბაპე შვედეთში? მის ირგვლივ გავრცელებული აბსურდული ჭორები ყურადღებას არ იმსახურებს. როდესაც თავისუფალი დრო გაქვს, სადაც გინდა იქ წახვალ. პირადად მე ლონდონში გახლდით.“