ესპანური და იტალიური გამოცემების ცნობით, ფლორენტინო პერესს „რეალის“ ტრანსფერებთან დაკავშირებით ამბიციური გეგმები აქვს.

ლუკა მოდრიჩის შემცვლელად მადრიდის „რეალი“ ნიკოლო ბარელას ხედავს. მეტიც, მადრიდული გრანდი მილანის „ინტერისთვის“ 90 მილიონი ევროს გადახდას აპირებს და მიიჩნევს, რომ ბარელას ტექნიკური მახასიათებლები იდეალურად შეერწყმება მადრიდულ ფილოსოფიას.

ნიკოლოს დიდი გულშემატკივარია კარლო ანჩელოტიც, რომელიც მიიჩნევს, რომ ბარელას ნებისმიერი გრანდის ლიდერობა შეუძლია.

საოცარი პასი, ტექნიკური მხარე, მოედნის ხედვა და სხვა კომპონენტები ბარელას ერთ-ერთ ეფექტურ ნახევარმცველად წარმოაჩენს.

არსებული ცნობით, მადრიდული გრანდი „ინტერთან“ მოლაპარაკებების პირველი რაუნდის ჩანიშვნას უმოკლეს დროში გეგმავს.