ტონი კროოსმა სამწვრთნელო ლიცენზიის ასაღებად შესაბამისი კურსების გავლა დაიწყო, თუმცა განაცხადა, რომ ამ ეტაპზე დიდ ფეხბურთში დაბრუნებით არ არის დაინტერესებული.

„დიახ, შემიძლია დაგიდასტუროთ, რომ სამწვრთნელო ლიცენზიისთვის კურსების გავლა დავიწყე, თუმცა ეს ხანგრძლივი და საკმაოდ საინტერესო პროცესი იქნება.“

„ჯერ-ჯერობით ბევრი ეტაპია გასავლელი, თუმცა მაშინაც კი, როდესაც უმაღლესი კლასის ლიცენზიას ავიღებ, მწვრთნელობა არ იქნება ჩემი მიზანი.“

„ამ ეტაპზე თავიდან ბოლომდე დაკავებული ტონი კროოსის საფეხბურთო აკადემიის განვითარებით და მსურს, რომ მოვაწყო შესაბამისი ინფრასტრუქტურა. ჩვენ გვაქვს ამბიციური გეგმა, რომლის მიხედვითაც, მომდევნო წლებში კიდევ 6 ლოკაციაზე უნდა გავხსნათ ჩვენი აკადემიის მსხვილი ფილიალი.“

„„რეალის“ მწვრთნელობა? როდესაც ამ ეტაპზე გადავალ, ბერნაბეუზე მუშაობა ჩემთვის დიდი გამოწვევა იქნება და იმედი მაქვს, ამას შევძლებ, თუმცა ეს ძალიან შორი პერსპექტივაა.“