ჟოან მარტინესმა თვენახევრის წინ ურთულესი ოპერაცია გაიკეთა და აღდგენით პროცესს გადის, მადრიდის „რეალმა“ კი მასთან კონტრაქტი გაახანგრძლივა და ამ ნაბიჯით ფეხბურთელს მეტი მოტივაცია მისცა. ახლაგაზრდა მცველმა ჟურნალისტებს ინტერვიუ მისცა და არსებული ვითარება მიმოიხილა.

„პირველი კვირები მარტივი არ იყო. პრე-სეზონზე უამრავი ოცნება მქონდა, რომელიც უცებ დაიმსხვრა, მაგრამ კლუბის უდიდესი მხარდაჭერა ვიგრძენი.“

„კონტრაქტის გახანგრძლივებას მოვაწერე ხელი და ამით მსოფლიოს საუკეთესო კლუბმა კიდევ ერთხელ დააფიქსირა, რომ ჩემზე გათვლას აკეთებს.“

„ძალიან მოტივირებული ვარ და მჯერა, რომ დაგეგმილზე ადრე დავბრუნდები, თუმცა ეს რთული პროცესია.“

„ჯერ მხოლოდ თვენახევარი გავიდა, წინ კი რამდენიმე მნიშვნელოვანი თვეა, სადაც თერაპევტების მითითება სრულფასოვნად უნდა შევასრულო.“