ჯონათან ტა მადრიდის „რეალის“ რადარზეა. კოტ'დივუარული ფესვების მქონე ფეხბურთელს „ლევერკუზენთან“ კონტრაქტი მიმდინარე სეზონის ბოლოს ეწურება.

მადრიდში მიიჩნევენ, რომ 28 წლის ფეხბურთელის დამატება და მისთვის 5 წლიანი კონტრაქტის შეთავაზება საინტერესო უნდა იყოს.

ტა ჩაბი ალონსოს შეგირდია და საკმაოდ ეფექტურად გამოდის, როგორც ბუნდესლიგაში, ასევე ეროვნულ გუნდში.

ჯონათანმა მიმდინარე სეზონში სათამაშო წუთების 100% ითამაშა, ის „ბაიერის“ შეუცვლელ მოთამაშედ ითვლება.

იმ შემთხვევაში, თუ ჯონათანი ამჟამინდელ კლუბთან ხელშეკრულებას არ გაახანგრძლივებს, „მერენგებს“ მისი უფასოდ დამატების შესაძლებლობა ექნებათ.