ესპანური გამოცემების ცნობით, ჟოზე მოურინიომ მადრიდის „რეალს“ არდა გიულერის იჯარით გაშვება კიდევ ერთხელ სთხოვა.

პორტუგალიელი სპეციალისტი იანვრიდან 6 თვიან იჯარას ითხოვს და პირობას დებს, რომ გიულერი მადრიდში კიდევ უფრო გაძლიერებული და სათამაშო პრაქტიკით დაბრუნდება.

თავის მხრივ, კარლო ანჩელოტის ეს იდეა არ მოსწონს და არდას გაშვებას არ აპირებს, ვინაიდან თვლის, რომ თურქს მადრიდთან ხელახალი ადაპტაცია აღარ უნდა დასჭირდეს.

არდა ამ ეტაპზე თურქეთის ნაკრებთან ერთად იმყოფება და აღნიშნულ საკითხზე დასმულ კითხვებს არ პასუხობს.