ახალგაზრდა კანტერანო ხესუს ფორტეა, მადრიდის „რეალის“ მთავარ გუნდთან ერთად ვარჯიშობს.

დანიელ კარვახალმა უმძიმესი ტრავმა მიიღო, „რეალს“ კი ალტერნატივად მხოლოდ ლუკას ვასკესი ჰყავს.

არსებული ცნობებით, კარლო ანჩელოტი 2007 წელს დაბადებული ფეხბურთელის მთავარ გუნდში დაწინაურებას აპირებს.

ფორტეა „ბლანკოსის“ მთავარი გუნდის ყველა ვარჯიშს ესწრება და ცდილობს, სამწვრთნელო შტაბს საკუთარი შესაძლებლობები აჩვენოს.

აღსანიშნავია, რომ ხესუსი ძალიან მოქნილი და სწრაფი ფეხბურთელია და ამის ფონზე, შესაძლოა მართლაც მოიგოს ანჩელოტის გული.

მადრიდული გუნდის ასაკობრივ გუნდებში გადასვლამდე მოთამაშე „ლევანტესა“ და „ატლეტიკოს“ ასაკობრივი გუნდების ღირსებას იცავდა.