ესპანური და ბრიტანული გამოცემების ცნობით, კარლო ანჩელოტიმ პირდაპირ დაასახელა ფეხბურთელი, ვინც გუნდს ძალიან სჭირდება.

„გთხოვთ ვიყიდოთ ტრენტ ალექსანდრ არნოლდი, ამით ჩვენ ბევრ პრობლემას მოვაგვარებთ და გავხდებით უფრო მობილურები, როგორც დაცვაში, ასევე შეტევების ორგანიზების დროს“-ეს სიტყვები სწორედ იტალიელ სპეციალისტს ეკუთვნის.

„მარკას“ ცნობით, ტრენტი „რეალის“ ორბიტაზე მკვეთრად არის გამოსახული და თუ ინგლისელი ფეხბურთელი „ლივერპულთან“ კონტრაქტს არ გაახანგრძლივებს, მას იანვარში „რეალი“ წინასწარ კონტრაქტს გაუფორმებს, რომელიც ძალაში 1 ივლისიდან შევა და 6 წელიწადს მოიცავს.

არნოლდი ჯუდ ბელინგემის ახლო მეგობარია და არსებობს ინფორმაციები, რომლის მიხედვითაც, ამ შეთანხმებაზე მადრიდელი ნახევარმცველიც აქტიურად მუშაობს.