კარლო ანჩელოტიმ „ვილიარეალთან“ დაპირისპირების წინ პრესკონფერენცია გამართა.

„კრიტიკა მისაღებია, რადგან გუნდი მოწოდების სიმაღლეზე არ იდგა. ახლა პრობლემების სასწრაფოდ გამოსწორების და მოგების დროა. ყველაფერი უნდა გავაკეთოთ „ვილიარეალის“ დასამარცხებლად და მორიგი 3 ქულის მოსაპოვებლად.“

„არდა გიულერს მეტი დრო აქვს ახლა, ვიდრე გასულ სეზონში. თურქი კიდევ ბევრჯერ ითამაშებს. კონკურენცია დიდია და ვცდილობ, დრო ბალანსირებულად გავანაწილო.“

„სიტუაციის არევა არ უნდა მოხდეს, „რეალში“ ეს დაუშვებელია. ჩვენ პროფესიონალები ვართ და ვიცით, რომ მომდევნო მატჩები ძალიან მნიშვნელოვანი იქნება, როგორც ესპანეთში, ასევე ჩემპიონთა ლიგაზე.“

„ნამდვილად არ ვართ საუკეთესო კონდიციაში, მაგრამ მოვუმატებთ.“

„მბაპე ესაუბრა დიდიე დეშამს და ორივე მხარემ მიიღო გადაწყვეტილება, რომ შემტევს დაესვენება. ის ჯერ კიდევ არ არის 100%-ით მზად.“

„ლა ლიგაში გუნდი დიდი ხანია დაუმარცხებელია და იმედი მაქვს, ეს ძალიან დიდხანს გაგრძელდება.“

„მოდრიჩი, ბელინგემი, კამავინგა და ვალვერდე დიდ რესურსს ქმნიან, ჩუამენი კი ეხმარება, როგორც ნახევარდაცვას, ასევე დაცვის ცენტრს.“