ტონი კროოსმა ჟურნალისტებთან ინტერვიუში საფეხბურთო კარიერის დასრულების შემდეგ განვითარებული მოვლენები მიმოიხილა და სამეფო კლუბზეც ისაუბრა.

„მწვრთნელობას ჯერ არ ვაპირებ, მაგრამ რა მოხდება მომავალში ნამდვილად არავინ იცის. ახლა მადრიდში აკადემიის განვითარებზე ვფიქრობ. როგორც იცით, სულ ცოტა ხნის წინ გაიხსნა დიდი ინფრასტრუქტურა, რომელიც ბევრ ბავშვს დააინტერესებს.“

„„ვილიარეალთან“ დაპირისპირება საინტერესო იქნება, სწორედ ამიტომ ბერნაბეუზე წასვლას ვაპირებ. მომენატრა „რეალის“ ყურება არენიდან.“

„ჩემი გადაწყვეტილება საბოლოო იყო და აღარ შეიცვლება. რა აზრი აქვს იმის თქმას, რომ აღარ ვთამაშობ „რეალში“? ამ გუნდმა ისწავლა რამოსის, რონალდუს, ალონსოს და სხვა ვარსკვლავების გარეშე თამაში და ასე იქნება ჩემს შემთხვევაშიც.“

„მე ვთამაშობდი, მაგრამ „რეალს“ მაშინაც ჰქონდა ჩავარდნები. მე არ ვიყავი წარმატების გასაღები. ერთად ვიგებდით და ერთად ვაგებდით. ახლა კი „ბლანკოსი“ ჩემს გარეშე მოიგებს და წააგებს. ნუ დაივიწყებთ, რომ ამ გუნდის მთავარი მწვრთნელი ანჩელოტია, რომელიც კრიზისულ სიტუაციაში ეფექტურად მუშაობს.“

„„რეალს“ ყველგან და ყოველთვის გამარჯვებას ვუსურვებ, ეს საოცარი კლუბია და ჩემი გულწრფელი ემოციები მაქვს.“

„რატომ არ დავდივარ ბაზაზე? არ მსურს, რომ ანჩელოტიმ დაბრუნება მთხოვოს (იცინის). ამაზე საუბარი არც ყოფილა, ჩვენ ხომ პროფესიონალები ვართ.“

„ჩემპიონთა ლიგის ახალი ფორმატი საინტერესოდ დაიწყო, ხოლო გაამართლებს თუ არა ინოვაცია დრო გვიჩვენებს. ახლა ამაზე საუბარს აზრი არ აქვს.“