ჩუამენი:„კროოსმა და მოდრიჩმა ყველაზე მთავარი მასწავლეს“
ორელიან ჩუამენიმ „ლილთან“ შეხვედრის წინ პრესკონფერენციაზე საკმაოდ მნიშვნელოვანი საკითხები მიმოიხილა.
„„ლილს“ კარგად ვიცნობ. ეს არის გუნდი, რომელსაც უყვარს შეტევა, ბურთის ფლობა და სანახაობა. დარწმუნებული ვარ, კარგი შეხვედრა გამოგვივა.“
„აუცილებლად აღსანიშნავია ფრანგული კლუბის მეკარე და ასევე ჯონათან დავიდი. ისინი გამორჩეული ლიდერები არიან.“
„ანჩელოტი შესანიშნავი სპეციალისტია, მასთან განვითარება მარტივად მიიღწევა. იტალიელი ხშირად მეხმარება, როგორც ბურთით, ასევე უბურთოდ თამაშის ასპექტების გაუმჯობესებაში.“
„კროოსი ბურთს საოცრად ანაწილებდა და შეტევის ხაზს ეფექტურობაში ეხმარებოდა, თუმცა ტონი წავიდა და ახლა ჩვენ სხვა მისია დაგვეკისრა. ფაქტი ის არის, რომ გუნდი მხოლოდ ერთ ფეხბურთელზე ვერ იქნება დამოკიდებული. ჩვენ უნდა ვითამაშოთ საუკეთესო ფეხბურთი.“
„მბაპეს თამაში? არ ვიცით, ეს მისტერს კითხეთ. ფაქტია, რომ ფრანგი მალე დაბრუნდა და გამოჯანმრთელდა.“
„გრიზმანის წასვლა საფრანგეთის ნაკრებიდან ჩემთვის მტკივნეულია, რადგან ის ჩვენი გუნდის ლიდერი გახლავთ. ანტუანის ნებისმიერ გადაწყვეტილებას პატივს ვცემ და წარმატებებს ვუსურვებ.“
„გასულ სეზონში მარცხენა ფეხზე მუდმივი პრობლემები მქონდა, ახლა ასე აღარ არის. ვფიქრობ, სამედიცინო შტაბის გეგმამ გაამართლა.“
„„რეალში“ თამაში საჩუქარი არ არის. აქ იმიტომ ხარ, რომ საუკეთესო ფეხბურთის ჩვენება შეგიძლია. თუ ტემპს დააგდებ, აუცილებლად დაიჩაგრები, საუკეთესო თამაში კი ნიშნავს იმას, რომ გუნდს დაეხმაროს რთულ დროშიც. თუ საჭირო იქნება ცენტრალური მცველის სტატუსს მოვირგებ, თუმცა რა თქმა უნდა, ეს დროებითი იქნება, რადგან ნახევარმცველი ვარ და ყველაზე ეფექტურად თამაში მოედნის ცენტრში შემიძლია.“
„ვინისიუს ჟუნიორს ოქროს ბურთის მოგების კარგი შანსი აქვს. ბრაზილიელს საოცარი სეზონი ჰქონდა.“
„დერბის მიმართ ყოველთვის დიდი ინტერესია. დარწმუნებული ვარ, „მეტროპოლიტანოზე“ განვითარებულ მოვლენებს ყველა დიდი ინტერესით ადევნებდა თვალს. უნდა გამოსწორდეს ლაფსუსები, რაც გულშემატკივართა მხრიდან ვიხილეთ.“
„ნომრის ცვლილება? 14 ნომერი გათავისუფლდა და ვფიქრობ, ეს არჩევანი სწორი იყო. 8-იანი? ის ფედეს ეკუთვნოდა.“
„ფეხბურთის მიმართულებით არსებული ორგანიზაციები უნდა შეიკრიბონ და მიიღონ გადაწყვეტილება კალენდართან დაკავშირებით. ეს უნდა იყოს ერთსულოვანი, ფეხბურთელთა ინტერესებზე დაყრდნობილი გადაწყვეტილება. ამ სეზონში არაფერი შეიცვლება და ვიცით, რომ უდიდეს დატვირთვებს უნდა გავუძლოთ, თუმცა ამაში მწვრთნელიც გვეხმარება, რომელიც როტაციას ხშირად მიმართავს.“
„რა ვისწავლე კროოსისგან და მოდრიჩისგან? ყველაზე მნიშვნელოვანი! ეს არის სიმშვიდე ბურთის მიღების დროს.“
- 2 ოქტომბერი 2024
- 926
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
