კატალონიის „ბარსელონამ“ პამპლონაში ადგილობრივ „ოსასუნასთან“ წააგო და მადრიდის „რეალს“ შესანიშნავი შანსი მისცა.

ჰანსი ფლიკის გუნდი 4-2 დამარცხდა და კატალონიაში 0 ქულით დაბრუნდა.

ბარსელონელთა აქტივში ახლა კვლავ 21 ქულაა, „რეალს“ 17 ქულა აქვს, მადრიდული დერბის მოგების შემთხვევაში კი 20 ქულას მოუყრის თავს და პირველადგილოსანთან სხვაობას 1 ქულამდე შეამცირებს.

მადრიდული დერბის მოგება ურთულესი ამოცანა იქნება, თუმცა „ბლანკოსის“ მოტივაცია გუშინდელმა შეხვედრამ კიდევ უფრო გაზარდა.