კარლო ანჩელოტიმ „ატლეტიკოსთან“ დაპირისპირების წინ პრესკონფერენცია გამართა.

„კამავინგა ხელმისაწვდომია. ფრანგმა მწყობრში ჩადგომა მოახერხა და ეს ბევრს ნიშნავს. ვნახოთ, რამდენ წუთს ითამაშებს ფრანგი.“

„შარშანდელ სეზონში მბაპე არ გვყოლია, მაგრამ მაინც ვახერხებდით გოლების გატანას. ასე უნდა ვქნათ მომდევნო მატჩებშიც, რადგან ფრანგი რამდენიმე შეხვედრაში ვერ დაგვეხმარება. ის აღდგენით პროცესს გადის.“

„ცოტა დრო „ატლეტიკოს“? ზოგადად, გუნდებს მოსამზამდებლად შესაბამისი დრო არ აქვთ.“

„დიეგო სიმეონეს საჩემპიონო შემადგენლობა ჰყავს. დარწმუნებული ვარ, მადრიდელები „ბარსელონასთან“ და „რეალთან“ ერთად ბოლომდე იბრძოლებენ.“

„კარგად ვიცით, რომ დერბის მოგებას უდიდესი მნიშვნელობა აქვს, სწორედ ამიტომ, მაქსიმალურად დავიხარჯებით.“

„თუ ჩვენ „ატლეტიკოს“ ვერ დავამარცხებთ, „ბარსელონას“ დიდ შანსს მივცემთ, რამაც შესაძლოა ფატალური შედეგები გამოიწვიოს.“

„ფაქტია, სიმეონემ შესანიშნავი ფეხბურთელები შეიძინა და გუნდი მნიშვნელოვნად გააძლიერა.“

„ვინისიუს ჟუნიორი ოქროს ბურთს იმსახურებს და ეჭვი არ მეპარება, ის გახდება გამარჯვებული.“

„მსაჯების გადაწყვეტილებების გაპროტესტება? ეს ხანდახან ბუნებრივ მოვლენადაც შეგვიძლია ჩავთვალოთ. გარკვეულ მომენტებში რეფერის პოზიციამ ნამდვილად გამოიწვია ჩემი გაკვირვება.“

„ლა ლიგაში ყველა გუნდი ცდილობს ბევრი გოლის გატანას, ხოლო გრანდებთან ასპარეზობის შემთხვევაში მყარი დაცვის გამოყენებას. ეს ჩვენთვის სიახლე არ არის, სწორედ ამიტომ, სხვადასხვა კომბინაციის განვითარებას ვცდილობთ.“