ბრიტანული გამოცემების ცნობით, ორელიან ჩუამენისთან დაკავშირებით მადრიდის „რეალმა“ საკმაოდ მიმზიდველი შეთავაზება მიიღო.

არავინ იცის რატომ, მაგრამ ლონდონის „ჩელსიმ“ გადაწყვიტა, რომ ორელიანისთვის ზამთრის სატრანსფერო ფანჯრის გახსნის შემდეგ იბრძოლოს.

ფრანგი ფეხბურთელის სანაცვლოდ მადრიდულმა გრანდმა 2 წლის წინ „მონაკოს“ 80 მილიონი ევრო გადაუხადა, ახლა კი „არისტოკრატებისგან“ 130 მილიონიანი შეთავაზება აქვს.

არსებული ცნობით, მადრიდში ამ საკითხით დაინტერესდნენ, მაგრამ ფეხბურთელის იანვარში გაშვების პერსპექტივა არავის ხიბლავს.

Daily Mail-ის ცნობით, თუ „ჩელსისთან“ შეთანხმება შედგება, „ბლანკოსი“ ჩუამენის შემცვლელსაც დაიმატებს და ეს ფეხბურთელი შერჩეულიც ჰყავს, თუმცა ვისზეა საუბარი არავინ იცის.