სხვა გამოსავალი არ არის. კარლო ანჩელოტიმ მადრიდულ დერბიში ტაქტიკის შეცვლის გადაწყვეტილება მიიღო.

მბაპე ტრავმირებულია და რამდენიმე მატჩს გამოტოვებს, მისი ალტერნატივა კი ენდრიკ ფელიპე გახლავთ. იტალიელი სპეციალისტის აზრით, ენდრიკის სასტარტოში დაყენება ასეთ პრინციპულ და საპასუხისმგებლო შეხვედრაში დიდ რისკებს შეიცავს.

სწორედ ამიტომ, ანჩელოტი აპირებს, რომ 4-4-2 სქემას დაუბრუნდეს, სადაც ნახევარდაცვა გაცილებით მძლავრი იქნება.

იტალიელი სპეციალისტის აზრით, გუნდი 4-3-3 სქემაზე მეორე ტაიმში იმ შემთხვევაში უნდა გადავიდეს, თუ ამის საჭიროება დადგება.