მადრიდის „რეალმა“ ისტორიაში პირველი პრეცენდენტი დააფიქსირა და ლა ლიგაში ახალი ისტორია დაწერა.

თუ აქამდე წაუგებელი სერიით „ბარსელონა“ და „სოსიედადი“ იწონებდნენ თავს, ახლა ანჩელოტის გუნდმა 39-ე დაპირისპირება გამართა წაუგებლად და „სოსიედადს“ უკვე გაასწრო, ახლა კი წინ „ბარსელონაა“, რომელმაც თავის დროზე 43-ჯერ ითამაშა წაუგებლად.

მადრიდულ გრანდს მსგავსი შედეგი ასწლოვანი ისტორიის მანძილზე არასდროს ჰქონია.

„ბლანკოსმა“ ბოლოს შარშან, 24 სექტემბერს წააგო, რაც იმას ნიშნავს, რომ გუნდი წაუგებლად 1 წელია გამოდის.

ლა ლიგის მომდევნო ტური „რეალისთვის“ დიდი გამოწვევა იქნება, ვინაიდან კოლექტივი „ვანდა მეტროპოლიტანოს“ უნდა ესტუმროს და „ატლეტიკოსთან“ გაარკვიოს უძლიერესის ვინაობა. დიახ, „ატლეტიკო“ სწორედ ის გუნდია, რომელმაც „ბლანკოსი“ ბოლოს დაამარცხა.