სამეფო კლუბის ფეხბურთელებმა „ესპანიოლთან“ დაპირისპირების შემდეგ აღდგენითი ვარჯიში გამართეს.

სესია სატრენაჟორო დარბაზში დაიწყო, სადაც მოთამაშეებმა დიდი ყურადღება დაუთმეს ფიზიკურ კონდიციებს.

„ესპანიოლთან“ სასტარტო შემადგენლობაში მყოფი ფეხბურთელები შედარებით ნაკლებად დაიტვირთნენ, დანარჩენებმა კი ყველა დავალება შეასრულეს.

ალაბა, კამავინგა, ბრაჰიმ დიასი და დანი სებალიოსი აღდგენით პროცესს განაგრძობენ.

ანჩელოტიმ დიდი ყურადღება დაუთმო ბურთის ფლობას, პრესინგს, ტაქტიკურ მონახაზებს, კარში დარტყმებს და მოკლე სივრცეში ზუსტ თამაშს.

ხვალ „მერენგები“ კიდევ ერთხელ შეიკრიბებიან, 24-ში კი „ალავესს“ უმასპინძლებენ.