დანი კარვახალმა „ესპანიოლთან“ მატჩი დისკომფორტით დაასრულა. მადრიდული გამოცემების ცნობით, მარჯვენა მცველი ლა ლიგის მომდევნო ტურში ანჩელოტის განკარგულებაში არ იქნება, თუმცა ეს ყველაფერი არ არის.

გავრცელებული ინფორმაციის მიხედვით, ანჩელოტი ჯუდ ბელინგემის დასვენებასაც გეგმავს, ვინაიდან მას მხარზე ჰქონდა დისკომფორტი.

„მარკას“ ცნობით, ჯუდმა სამწვრთნელო შტაბს თხოვა, რომ განაცხადში შეიყვანოს და თამაშის საშუალება მისცეს, თუმცა საბოლოო გადაწყვეტილება მიღებული ჯერ არ არის.

რაც შეეხება დანის შემცვლელს, სასტარტო შემადგენლობაში ლუკას ვასკესი გამოჩნდება, რომელიც ახალ სეზონში ძალიან ცოტა სათამაშო წუთს იღებს და ანჩელოტი ამ სტატისტიკის გამოსწორებას გეგმავს.