ვინისიუს ჟუნიორმა „ესპანიოლის“ დამარცხების შემდეგ ჟურნალისტებთან ისაუბრა.

„ძალიან კარგი საღამო იყო. ბერნაბეუზე მოსულმა გულშემატკივრებმა სიამოვნება მიიღეს და მთავარი ეს არის. დიდი მადლობა მხარდაჭერისთვის და იმ ოვაციებისთვის, რომელიც შეხვედრის შემდეგ მივიღეთ.“

„სათადარიგო სკამზე ჯდომა? მწვრთნელის პოზიცია ჩემთვის ყოველთვის პატივსაცემია. კარლომ გადაწყვიტა, რომ ჩემთვის დასვენების საშუალება მოეცა, მაგრამ ვიცოდი, რომ მეორე ტაიმში გარკვეულ დროს მივიღებდი.“

„ვულოცავ როდრიგოს და მბაპეს, ისინი შესანიშნავები იყვნენ. აქვე აღსანიშნავია ჯუდის და ფედეს საოცარი თამაში.“

„წინ „ალავესია“ და გვჯერა, რომ მორიგ 3 ქულას ჩავიწერთ აქტივში. მიხარია ბერნაბეუზე ზედიზედ რამდენიმე შეხვედრის ჩატარება, ეს დიდი სიამოვნებაა.“

„„ბარსელონასთან“ სხვაობა 4 ქულაა, მაგრამ აღარ გაიზრდება, რადგან კატალონიური კლუბი ამას ვერ შეძლებს. „რეალმა“ სტაბილური მოგებები დაიწყო და ეცდება, მალე სიტუაცია კიდევ უფრო გაიუმჯობესოს.“