გერმანული ავტორიტეტული გამოცემა - BILD იუწყება, რომ მადრიდის „რეალი“ კარლო ანჩელოტის სეზონის ბოლოს გაუშვებს.

BILD-ის ცნობით, ამის შესახებ ინფორმაცია უკვე აქვს ჩაბი ალონსოს, რომელიც ამ სეზონში „ლევერკუზენის“ მთავარი მწვრთნელის პოსტზე დარჩა.

გერმანიაში დარჩენა ჩაბიმ სწორედ „ბლანკოსის“ გამო გადაწყვიტა, ვინაიდან მისი ოცნება ბერნაბეუზე მუშაობა იყო.

ზაფხულის სტარტზე ალონსომ „ლივერპულისგან“ 3 წლიანი შეთავაზება მიიღო, თუმცა „ენფილდზე“ მუშაობაზე უარი განაცხადა და ცხადი გახდა, რომ „რეალს“ ელოდებოდა.

რაც შეეხება ანჩელოტის, იტალიელი სპეციალისტის მომავალი ჯერ-ჯერობით უცნობია, თუმცა გერმანელთა თქმით, კარლო მადრიდელებს სეზონის ბოლოს დაემშვიდობება.