Mahou-ს 5 ვარსკვლავიან ჯილდოს მადრიდის „რეალში“ ფედერიკო ვალვერდე ფლობს. ურუგვაელი ფეხბურთელი „რეალის“ აგვისტოს თვის საუკეთესო ფეხბურთელად დასახელდა.

სამხრეთ-ამერიკელმა გასულ თვეში 4 მატჩში მიიღო მონაწილეობა და ოთხივეში 90 წუთი დაჰყო მოედანზე.

ფედეს წვლილი ევროპის სუპერთასის დაპირისპირების მოგებაში უდიდესი გახლდათ, მან ასევე აიღო „ვალიადოლიდის“ კარიც.

„ყველა ადამიანს მადლობას ვუხდი, ვინც მხარი დამიჭირა. ეს არის კარგი სტარტი და დარწმუნებული ვარ, მომდევნო თვეებშიც მოვახერხებ აღნიშნული ჯილდოს მიღებას. ჩვენ ვაგრძელებთ მუშაობას იმისთვის, რომ საუკეთესო ვერსია ვაჩვენოთ და ყველა ტიტული მოვიგოთ“-განაცხადა ვალვერდემ.