ესპანური გამოცემების ცნობით, გუშინ კარლო ანჩელოტი სამწრთნელო შტაბის წევრებს შეხვდა და გუნდში არსებული სიტუაცია მიმოიხილა.

მოგეხსენებათ, გუშინდელი დღე ფეხბურთელებს დასასვენებლად მიეცათ, სამწვრთნელო შტაბმა კი კონკრეტული გეგმები დასახა.

„მარკას“ ცნობით, კარლო ანჩელოტიმ გადაწყვიტა, რომ ტაქტიკა შეცვალოს და 4-4-2 სქემას დაუბრუნდეს.

თუ მომდევნო ტურებში ეს სქემა გაამართლებს, გუნდი 4-3-3-ს აღარ დაუბრუნდება და როდრიგოს როტაციის ფეხბურთელის სტატუსის მორგება მოუწევს.

ანჩელოტის აზრით, 4-4-2 სქემაზე დაბრუნება ჯუდ ბელინგემის მარგი ქმედების კოეფიციენტს მნიშვნელოვნად გაზრდის, ვინისიუსს და მბაპეს კი წინა ხაზში მეტ თავისუფლებას მისცემს.

კარლო აპირებს, რომ „ესპანიოლთან“ და „ალავესთან“ მნიშვნელოვანი ცვლილებები განახორციელოს.