კილიან მბაპე ჩემპიონთა ლიგაზე დიდებული ისტორიის წერას განაგრძობს.

მადრიდის „რეალის“ შემტევმა ახალი ფორმატის ჩემპიონთა ლიგის პირველივე ტურში შეძლო გოლის გატანა, რომელიც რიგით 49-ე იყო.

ამ შედეგით მბაპე ევროპის ყველაზე პრესტიჟული ტურნირის საუკეთესო ბომბარდირთა ათეულში შევიდა.

კილიანს მხოლოდ 1 გოლი აშორებს ტიერი ანრის 50 გოლიან ნიშნულამდე.

ფრანგ ფეხბურთელს ამ სეზონშივე შეეძლება ტომას მიულერის 54 და რუუდ ვან ნისტელროის 56 გოლიანი შედეგის გაუმჯობესებაც.

რაც შეეხება დეტალურ სტატისტიკას. მბაპეს ჩემპიონთა ლიგაზე 74 დაპირისპირება აქვს ჩატარებული და როგორც უკვე მოგახსენეთ, 49 გოლით იწონებს თავს, რაც იმას ნიშნავს, რომ თითო მატჩში საშუალოდ 0.66 გოლის გატანას ახერხებს.