ედუარდო კამავინგას აღდგენითი პროცესი დასასრულს უახლოვდება. ფრანგი ფეხბურთელი ვარჯიშების დასაწყებად ემზადება.

ახალგაზრდა ნახევარმცველი ლა ლიგის მომდევნო ტურში „ესპანიოლის“ წინააღმდეგ ხელმისაწვდომი არ იქნება, მაგრამ შესაძლოა 24 სექტემბრის მატჩში, რომელიც „ალავესის“ წინააღმდეგ გაიმართება, სათამაშო დრო მიიღოს.

კარლო ანჩელოტის სურს, რომ ედუმ „ატლეტიკოსთან“ შეხვედრამდე ფორმაში სრულფასოვნად ჩადგომა მოახერხოს და მადრიდულ დერბიში გარკვეული დროის მიღების შესაძლებლობა ჰქონდეს.

უკვე 1 თვეზე მეტი გავიდა მას შემდეგ, რაც კამავინგამ ვარჯიშზე შეჯახების შედეგად მძიმე დაზიანება მიიღო და ყოველდღიურ რეჟიმში შრომობს დასაბრუნებლად.