დანი კარვახალმა ჩემპიონთა ლიგის პირველი ტურის წინ პრესკონფერენცია გამართა.

„გვსურს, პირველივე წუთიდან ყველაფერი გავაკეთოთ წარმატების მისაღწევად. ეს არის ჩემპიონთა ლიგა, თანაც ახალი ფორმატი, რაც დაძაბულობას კიდევ უფრო ზრდის. მე მსურს, რომ გუნდმა ძალიან ეფექტური გამოსვლა აჩვენოს.“

„„შტუტგარტი“ საკმაოდ ეფექტური გუნდია, რომელსაც უყვარს სწრაფი და გააზრებული ფეხბურთი. ჩვენ გვჭირდება მობილიზება და მაქსიმალური კონცენტრაცია, რადგან პირველ ტურში აუცილებლად უნდა გავიმარჯვოთ.“

„შარშანდელ სეზონში არაერთ გერმანულ გუნდს დავუპირისპირდით. ჩვენ ვიცით, როგორ უნდა შევერკინოთ ბუნდესგუნდებს.“

„ზრდა უნდა გავაგრძელოთ. ახლა ბევრად ძლიერები ვართ, ვიდრე 2-3 კვირის წინ.“

„ჯუდ ბელინგემის დაბრუნება ძალიან მნიშვნელოვანია, მას აქვს შესანიშნავი ფანტაზია და ეფექტურად მოძრაობს, როგორც ბურთით, ასევე ბურთის გარეშე.“

„ტრავმები დიდ პრობლემას ქმნის. როდესაც ფეხბურთელი ბრუნდება, გარკვეული დრო სჭირდება სასურველ კონდიციაში ჩასადგომად, მაგრამ ამისთვის შესაბამისი დრო არ ეძლევა.“

„ვიმედოვნებ, ახლადდაბრუნებულები მალე ჩადგებიან ფორმაში, სხვები კი დაზიანებას არ მიიღებენ.“

„ჯერ კიდევ რამდენიმე წელი ვაპირებ „რეალში“ თამაშს, სწორედ ამიტომ ვთვლი, რომ ჩემპიონთა ლიგას მეშვიდედაც მოვიგებ და კიდევ უფრო მეტზეც ვიფიქრებ.“

„ჩემი მომავალი გადაწყვეტილია. სამეფო კლუბში პოზიცია უკვე დავაფიქსირე.“

„შარშანდელი სეზონი ჩემთვის საოცარი იყო. ოქროს ბურთი? რატომაც არა, თუმცა ვფიქრობ, რომ სხვებს უფრო დიდი შანსები აქვთ.“

„თუ ანჩელოტი მეტყვის, ცენტრალურ მცველადაც ვითამაშებ. მე იქ ვიქნები, სადაც გუნდს ყველაზე მეტად დასჭირდება.“

„დარწმუნებული ვარ, ხვალ კილიან მბაპე საოცარ შეგრძნებებს განიცდის, რადგან „რეალთან“ ერთად ჩემპიონთა ლიგაზე თამაში დამატებითი სიამოვნებაა.“

„მხოლოდ 1 წლიანი კონტრაქტი? საყოლთაოდ ცნობილია, რომ „ბლანკოსში“ არსებობს ზღვრული ასაკი, რომლის მიხედვითაც, 1 წელიწადზე მეტ კონტრაქტს 33 წლის ან უფროსი ფეხბურთელი ვერ მიიიღებს. ეს სრულიად გასაგებია და ვერანაირ პრობლემას ვერ ვხედავ.“

„სანამ მოწოდების სიმაღლეზე ვიდგები, ჩემი კლუბის ღირსებას დავიცავ. თუ მივხვდები, რომ თამაში არ შემიძლია, ბერნაბეუს დავტოვებ.“