როდრიგო გოეშისთვის „სოსიედადთან“ გამარჯვება საიუბილეო აღმოჩნდა.

ბრაზილიელმა ვარსკვლავმა მხოლოდ ლა ლიგაში „მერენგების“ რიგებში მე-100 დაპირისპირება მოიგო.

100 მოგების დასაფიქსირებლად როდრიგოს 147 შეხვედრა დასჭირდა.

საერთო ჯამში შემტევის ანგარიშზე 27 გატანილი გოლია.

როდრიგომ ლა ლიგის მოგება სამჯერ შეძლო 2020, 2022 და 2024 წლებში.

გამარჯვებების მიხედვით საუკეთესო სეზონი როდრიგომ შარშან დააფიქსირა, როდესაც 25 შეხვედრაში დატოვა გამარჯვებულმა მწვანე მინდორი.

გუნდი, რომელსაც გოეშმა ყველაზე მეტჯერ მოუგო „ბილბაო“ გახლავთ. ბასკების წინააღმდეგ სამხრეთ-ამერიკელმა მოთამაშემ 7-ჯერ იმარჯვა.