მადრიდის „რეალის“ ოფიციალურმა ვებ-გვერდმა ოფიციალურად დაადასტურა ანდრეი ლუნინთან ხელშეკრულების გახანგრძლივება.

ანდრეი ლუნინი „რეალში“ 2018 წელს ჩავიდა, 2020 წლიდან კი მთავარი გუნდის ნაწილი გახდა. დღეს, 13 სექტემბერს ახალ კონტრაქტს მოეწერა ხელი, რომელსაც ვადა 2030 წლის 30 ივნისს ამოეწურება.

უკრაინელი კარის დარაჯი „ბლანკოსთან“ ერთად 10 ტიტულს მოითვლის, ამ წელს კი „იაშინის ჯილდოს“ ერთ-ერთი მთავარი კანდიდატიც გახლავთ.

ლუნინის ღვაწლი „ბლანკოსის“ შარშანდელ წარმატებაში ფასდაუდებელია.