ესპანური გამოცემების ცნობით, „ალ აჰლი“ არ ნებდება და ვინისიუს ჟუნიორის სანაცვლად კოლოსალური თანხების გადახდას აპირებს.

ბრაზილიელ ფეხბურთელს 5 წლიან ხელშეკრულებას და 1 მილიარდ ევროს პირდებიან, რაც იმას ნიშნავს, რომ ვინის წლიური შემოსავალი 200 მილიონ ევროს მიაღწევს.

აქ არის დათქმა, რომლის მიხედვითაც, კონტრაქტის ამოწურვის შემდეგ, ვინის ექნება ვალდებულება გაატაროს საუდის არაბეთის ინტერესი მსოფლიოს 2034 წლის ჩემპიონატთან დაკავშირებით.

რაც შეეხება მადრიდის „რეალს“, „ალ აჰლის“ ხელმძღვანელობა, ფლორენტინო პერესის მონუსხვას 280 მილიონი ევროთი აპირებს, რაც იმას ნიშნავს, რომ თუ ვინი ბერნაბეუს მართლაც დატოვებს, ისტორიაში ყველაზე ძვირადგაყიდული ფეხბურთელი იქნება.

„მარკას“ ცნობით, მადრიდში მშვიდად არიან, ვინაიდან სამხრეთ-ამერიკელთან კონტრაქტი 2027 წლის წელს იწურება, მისი გამოსასყიდი თანხა კი 1 მილიარდი ევროა.