მას შემდეგ, რაც ცნობილი გახდა, რომ მადრიდის „რეალი“ და ანდრეი ლუნინი ახალ, 4 წლიან კონტრაქტზე შეთანხმდნენ, კეპა არიზაბალაგას თემა დაიხურა.

ბასკი მეკარე „ბლანკოსის“ და უკრაინელი კარის დარაჯის შეთანხმების დახურვას ელოდებოდა. კეპამ უკვე იცის, რომ ბერნაბეუზე მიმავალი ყველა გზა ჩაიკეტა.

ესპანური გამოცემების ცნობით, თუ არიზაბალაგას მომდევნო ზაფხულს რომელიმე გრანდი არ შესთავაზებს კონტრაქტს, ის სათამაშოდ საუდის არაბეთში წავა და კოლოსალურ ხელფასს მიიღებს.