ზინედინ ზიდანმა სამეფო კლუბში განვითარებულ მოვლენებზე ისაუბრა და საკუთარი ეპოქა გაიხსენა.

„ყველა ადამიანს განსხვავებული მოსაზრება აქვს. „რეალში“ მთავარი ის არის, რომ ყველა პატივს სცემს პრეზიდენტის მოსაზრებას, პრეზიდენტი კი უსმენს მწვრთნელს, საბჭოს და მრჩეველებს.“

„გაუგებრობა არასდროს მქონია, თუმცა რა თქმა უნდა იყო მომენტები, როდესაც განსხვავებული პოზიციები გვქონდა.“

„მე ტეო ერნანდესის გაშვების კატეგორიული წინააღმდეგი ვიყავი და დღეს დამტკიცდა, რომ „რეალმა“ შეცდომა დაუშვა, რადგან ფრანგი საკუთარ პოზიციაზე ერთ-ერთი საუკეთესოა.“

„ვხედავდი, რამხელა პერსპექტივა ჰქონდა ტეოს, ვინაიდან ის ძალიან მოქნილი ფეხბურთელი გახლდათ, ბრწყინვალედ ხედავდა მოედანს და აჩქარებაც შეეძლო.“

„შემადგენლობის მხრივ, არასდროს ვგრძნობდი ზეწოლას, ვინაიდან ეს სრულიად ჩემი დისკრეცია იყო. ტრანსფერებზე გადაწყვეტილებას მე ვიღებდი, თუმცა გუნდი მიხსნიდა, რა შეიძლებოდა გამოსულიყო და რა არა.“

„მბაპეს გამადრიდელება? როდესაც „მერენგების“ სათავეში მეორედ მოვედი, ჭორები არსებობდა, თუმცა ჩემი გეგმა მასზე არ ეწყობოდა, რადგან ტრანსფერი დიდ სირთულეს წარმოადგენდა.“

„ბერნაბეუს აურა განსაკუთრებულია, ამას ყველა ამბობს და გამონაკლისი ვერც მე ვიქნები. არ აქვს მნიშვნელობა, რიგით შეხვედრაზე ვსაუბრობთ, თუ ტოპ მატჩზე, ამ სტადიონს აქვს თავისი ელფერი.“