"სანტიაგო ბერნაბეუზე" შეკრებილი პუბლიკა, "რეალისა" და "ოსასუნას" თამაშის დაწყებამდე, ოვაციებით შეხვდა იმ მადრიდელებს, რომლებიც 11 ივლისს მსოფლიოს ჩემპიონები გახდნენ, "ფურია როხას" რიგებში.

მატჩის სტარტამდე რამდენიმე წუთით ადრე, იკერ კასილასი, ალვარო არბელოა, სერხიო რამოსი, რაულ ალბიოლი და ხაბი ალონსო, მოედნის ცენტრში გავიდნენ და მადლობა გადაუხადეს გულშემატკივრებს მათთვის მიძღვნილი აპლოდისმენტებისა და მხარდაჭერისათვის.