კრიშტიანო რონალდუმ მადრიდული ეპოქა გაიხსენა და ახლანდელი სიტუაცია გაანალიზა.

„აურა, რომელიც ბერნაბეუზე სუფევს, სრულიად განსხვავებულია. მე მადრიდში ძალიან ბედნიერი ვიყავი და ბევრი შეხვედრა მახსოვს, რომელიც საშინაო არენაზე ჩავატარეთ.“

„„ბლანკოსი“ ისტორიის საუკეთესო კლუბია, ამაზე დავა არ შეიძლება.“

„მადლობელი ვარ წლების, რომელიც „მერენგების“ რიგებში გავატარე. საოცარი ეპოქა იყო.“

„მბაპეს ჰყავს შესანიშნავი მწვრთნელი, რომელმაც იცის, როგორ მიიღოს მაქსიმუმი მისგან. ასევე ჰყავს შესანიშნავი პრეზიდენტი, რომელმაც „ბლანკოსისთვის“ ყველაფერი გააკეთა და მუდმივად ზრუნავს ფეხბურთელებზე.“

„პეპე ნამდვილი ბოსია, როგორც მინდორზე, ასევე მინდვრის გარეთ, ის ჩემგან დიდ პატივისცემას იმსახურებს.“

„ვინისიუსი? ის ოქროს ბურთისთვის არამხოლოდ წელს, არამედ მომდევნო წლებშიც იბრძოლებს, ისევე როგორც ბელინგემი, მბაპე, ჰოლანდი, ლამინ იამალი და სხვები.“

„კროოსის გადაწყვეტილებას პატივს ვცემ, თუმცა თავიდან ვერაფრით ვიგებდი, რატომ გადაწყვიტა კარიერის დასრულება. ის ფორმის პიკში იყო. ასეა თუ ისე, გერმანელი ნახევარმცველის ნებისმიერი პოზიცია გასაზიარებელია.“

„„რეალთან“ ერთად ჩემპიონთა ლიგა 4-ჯერ მოვიგე. ეს მართლაც დაუჯერებელი შედეგი იყო. როგორც უკვე გითხარით, ბერნაბეუს აურა, ბევრ რამეზე მოქმედებდა.“