კილიან მბაპემ საფრანგეთის ნაკრებში პრესკონფერენცია გამართა, სადაც მადრიდულ გუნდზეც არაერთი შეკითხვა დაუსვეს.

„„პსჟ“-სთან მხოლოდ კარგი მოგონებები მაკავშირებს. დაბრუნება პარიზში რა თქმა უნდა, ემოციური იყო. მინდა, რომ საფრანგეთის ნაკრებს დავეხმარო, ყოფილ კლუბთან გარკვეულ ფინანსურ უთანხმოებას კი მალე დაესმება წერტილი. არ ვფიქრობ, რომ ეს საჯაროდ განსახილველი საკითხია.“

„ოპერაცია? მადრიდის „რეალის“ სამედიცინო შტაბმა სრულფასოვანი ტესტირება ჩამიტარა და მიღებულ იქნა გადაწყვეტილება, რომლის მიხედვითაც, ქირურგიული ჩარევა არ განხორციელდება. არ მაქვს არც სუნთქვის და არც ძილის პრობლემა.“

„ყოველთვის ყველას ვერ ასიამოვნებ. თუ პარიზელი ქომაგები ჩემს გადაწყვეტილებას პატივს არ სცემენ, მე ამაზე ვერ ვინერვიულებ. დედაქალაქში ხშირად ჩამოვალ და „მამლებს“ დავეხმარები.“

„როდესაც ვერ იგებ, ცეცხლს გიკიდებენ, ასეა მადრიდში და ასე იყო პარიზშიც. ამ მხრივ არანაირ ფსიქოლოგიურ ზეწოლას არ ვგრძნობ.“