მიმდინარე კონტრაქტის მიხედვით, დანი კარვახალი „რეალში“ ბოლო სეზონს ატარებს, სწორედ ამიტომ, ფლორენტინო პერესის დავალებით, სამეფო კლუბის ხელმძღვანელობამ ლეგენდარულ ფეხბურთელთან მოლაპარაკებები დაიწყო.

საუბარია დამატებით 1 წელიწადზე, რომელსაც დანის შესთავაზებენ, ვინაიდან მადრიდული გრანდი კმაყოფილია განაპირა მცველის თამაშით.

კარვახალი 11 იანვარს 33 წლის გახდება, „რეალში“ კი არსებობს სტანდარტი, რომლის მიხედვითაც, 33 წლის და უფროსი ასაკის ფეხბურთელები მხოლოდ 1 წლიან კონტრაქტს იღებენ, თუმცა როგორც კარიმ ბენზემას, ასევე ლუკა მოდრიჩის, კროოსის და სხვების მაგალითები აჩვენებს, რომ ეს არ ნიშნავს არასტაბილურ ხელშეკრულებას და გაგრძელების პერსპექტივა რა თქმა უნდა არსებობს.