ვინისიუს ჟუნიორი ბრაზილიის ნაკრებთან ერთად იმყოფება, სადაც გუშინ ინტერვიუ ჩაწერა.

საუბრისას ბრაზილიელი მოთაშე ესპანეთში არსებულ რასიზმის საკითხს შეეხო და განაცხადა, რომ თუ 2030 წლამდე ამ მიმართულებით ვითარება არ გამოსწორდება, ესპანეთი უნდა დაისაჯოს და 2030 წლის მუნდიალს არ უმასპინძლოს, ასევე არ უნდა გაიმართოს ფინალური დაპირისპირება.

აღნიშნულ საკითხს ესპანეთში მაღალი თანამდებობის პირები გამოეხმაურნენ, მათ შორის გახლავთ მადრიდის მერიც, რომელმაც „რეალის“ ვარსკვლავს საჯაროდ მიმართა და უთხრა, რომ გუშინდელ კომენტართან დაკავშირებით ბოდიში უნდა მოიხადოს და საზოგადოებას აუხსნას რომ შეცდა.

გარდა ალმეიდასი (მადრიდის მერი), ვინისიუსს არაერთი ორგანიზაცია დაუკავშირდა.

ესპანეთში ძალიან არ მოეწონათ „რეალის“ ვარსკვლავის გამოსვლა. ყველა იაზრებს, რომ რასიზმი პრობლემაა, მაგრამ ვინის განცხადება ამ ქვეყნის პერსპექტივისთვის, რომელიც 2030 წლის გეგმებს უკავშირდება ძალიან საზიანოა.

ჯერ-ჯერობით უცნობია, რა ზომებს მიიღებს „რეალი“ და მოიხდის თუ არა ვინი ბოდიშს.