ესპანური გამოცემების ცნობით, მადრიდის „რეალის“ მთავარი მიზანი როდრის დამატება იქნება.

„ფურია როხას“ ლიდერის დამატებით „ბლანკოსი“ ბევრი პრობლემის მოგვარებას აპირებს.

ფლორენტინო პერესი აპირებს, რომ 2025 წელს ნახევარმცველი უმთავრეს სატრანსფერო მიზნად აქციოს და მასში 130 მილიონი ევრო გადაიხადოს.

გარდა იმისა, რომ როდრის ასაკი ემატება, ის ესპანეთში დაბრუნებაზეც ფიქრობს, „რეალი“ კი ამ მომენტის გამოყენებას შეეცდება.

როდრი მომდევნო ზაფხულს 29 წლის იქნება, „რეალი“ კი მასზე 4 წლიან გათვლას გააკეთებს.