ესპანური გამოცემების ცნობით, დავიდე ანჩელოტი არდა გიულერს დიდ ნდობას უცხადებს და მამას ურჩევს, რომ თურქ ფეხბურთელზე დიდი გათვლა გააკეთოს.

არდას აქვს დიდი საფეხბურთო ინტელექტი, რაც „რეალის“ ნახევარდაცვას ახლა ყველაზე მეტად სჭირდება.

კროოსი წავიდა და ამით შუა რგოლმა დიდი ძალა დაკარგა, თუმცა გუნდში არის არდა გიულერი, რომელმაც თუნდაც ტონისგან და მოდრიჩისგან ბევრი ისწავლა.

ვალვერდე შესანიშნავია, მაგრამ ის ვერ იქნება გუნდის ტვინი, რადგან სხვა თვისებები აქვს, ჩუამენი კი ჩამშლელის პოზიციაზე თამაშობს.

დავიდე მიიჩნევს, რომ გიულერმა ბოძებული შანსი უნდა გამოიყენოს, ამისთვის კი სათამაშო დროის მნიშვნელოვანი გაზრდაა საჭირო.

ჯუდ ბელინგემის ტრავმის პირობებში, თურქის შანსი კიდევ უფრო გაიზრდება.

„მარკას“ ცნობით, კარლოსა და დავიდეს შორის გუნდში არსებულ სიტუაციაზე საუბარი შედგა, პატარა ანჩელოტიმ კი მთელ სამწვრთნელო შტაბთან დააფიქსირა, რომ არდას შანსი უნდა მიეცეს.