მაშ ასე, ცნობილია თარიღები, როდესაც მადრიდის „რეალი“ ჩემპიონთა ლიგის 8 დაპირისპირებას გამართავს.

17 სექტემბერს სამეფო კლუბი სანტიაგო ბერნაბეუზე „შტუტგარტს უმასპინძლებს.

2 ოქტომბერს „ლილთან“ გასვლითი დაპირისპირება ჩაინიშნა.

22 ოქტომბერს სანტიაგო ბერნაბეუზე ჩემპიონთა ლიგის შარშანდელი ფინალისტი, „ბორუსია“ იასპარეზებს.

5 ნოემბერს „მერენგები“ იტალიურ „მილანს“ უმასპინძლებენ.

27 ნოემბერს შედგება გასვლითი დაპირისპირება „ლივერპულთან“.

10 დეკემბერს „ბლანკოსი“ კვლავ გასვლით თამაშს ჩაატარებს ბერგამოში „ატალანტას“ წინააღმდეგ.

22 იანვარს „რეალის“ მეტოქე „ზალცბურგი“ იქნება და შეხვედრა ბერნაბეუზე შედგება.

29 იანვარს მერვე დაპირისპირებას სამეფო კლუბი საფრანგეთში, „ბრესტის“ წინააღმდეგ გამართავს.