სამეფო კლუბის ფეხბურთელები დღეს კიდევ ერთხელ შეიკრიბნენ საწვრთნელ ბაზაზე და ფინალური ვარჯიში გამართეს.

ლა ლიგის მეოთხე ტურში „მერენგების“ მეტოქე „ბეტისი“ იქნება, ფეხბურთელებმა კი მატჩის წინ ბოლო რჩევა-დარიგებები მიიღეს.

სესიაზე კვლავ ვერ დაიტვირთნენ ხესუს ვალიეხო, დავიდ ალაბა, ჯუდ ბელინგემი და ედუარდო კამავინგა.

კარლო ანჩელოტიმ მზადების დროს დიდი ყურადღება დაუთმო კონტრ-შეტევებს, ტაქტიკურ მონახაზებს, პრესინგს, ბურთის ფლობას და კარში დარტყმებს.

გუნდთან ერთად ბაზაზე რამდენიმე კასტილიელიც იყო, რომელიც სამწვრთნელო შტაბის მითითებებს ასრულებდა.

შეგახსენებთ, „ბლანკოსი“ ანდალუსიურ კლუბს კვირას, 23:30 საათზე უმასპინძლებს.