დანი სებალიოსის საკითხი ჯერ კიდევ მოუგვარებელია.

მიუხედავად იმისა, რომ ანდალუსიურ „ბეტისს“ სებას დაბრუნება ძალიან სურს, კლუბის ხელმძღვანელობა ფეხბურთელის სანაცვლოდ 20 მილიონ ევროს არ იხდის, ეს თანხა კი ფლორენტინო პერესის მოთხოვნაა.

„რეალის“ პრეზიდენტმა ბეტისელებს აცნობა, რომ სებალიოსი „ბლანკოსს“ ახლა ძალიან სჭირდება, თუმცა კლუბი გაითვალისწინებს მის სურვილს გუნდიდან წასვლის შესახებ, თუ მსურველი მხარე 20 მილიონს გადაიხდის.

პერესის აზრით, დანის შესაძლებლობების 20 მილიონზე ნაკლებად შეფასება სისულელეა.

„მარკას“ ცნობით, მოლაპარაკებები კვლავ მიმდინარეობს, მაგრამ შესაძლოა ჩიხში შევიდეს, რადგან დრო ძალიან ცოტაა.