ემილიო ბუტრაგენიომ მონაკოში გამართული წილისყრის შემდეგ მედიის წარმომადგენლებთან ისაუბრა.

„ეს არის სრულიად ახალი ფორმატი და განსხვავებული მიდგომა. ჩვენ გვყავს რამდენიმე ნაცნობი მეტოქე, მაგრამ ასევე რამდენიმე უცნობიც. ვფიქრობ, ახალ ფორმატს დრო გამოცდის და საზოგადოება დასკვნას შემდეგ გააკეთებს.“

„მადრიდის „რეალისთვის“ ევროსარბიელი ყოველთვის ძალიან მნიშვნელოვანია, ახლა მოუთმენლად ველოდებით დეტალურ კალენდარს, რომელიც 31 აგვისტოს გახდება ცნობილი, შემდეგ კი ჩემპიონთა ლიგის პირველი ტურის დაპირისპირებისთვის დავიწყებთ მზადებას.“

„4 მატჩი ბერნაბეუზე უნდა ჩავატაროთ, მეორე 4 კი გასვლაზე. ვფიქრობ, „ლივერპულთან“ ინგლისში თამაში ურთულესი იქნება, ისევე როგორც „ატალანტასთან“ და ფრანგულ გუნდებთან.“

„ახალი ფორმატის მიხედვით, პირველ 8 გუნდს შორის უნდა მოვხვდეთ და ეს ჩვენთვის პრიორიტეტი იქნება, რათა თავიდან ავიცილოთ დამატებითი პრობლემები. ეს კი იმას ნიშნავს, რომ ყველა შეხვედრაში მაქსიმალური შედეგებისთვის უნდა ვიბრძოლოთ.“