მაშ ასე, ახალი სეზონიდან ჩემპიონთა ლიგა ქომაგების წინაშე განახლებული ფორმატით წარსდგება.

დღეს, თბილისის დროით 20:00 საათზე ევროპის ყველაზე პრესტიჟული ტურნირის წილისყრა შედგება.

აღსანიშნავია, რომ „რეალი“ პირველ კალათაშია განთესილი და ადგილს „ბაიერნთან“, „სიტისთან“, „ლივერპულთან“, „პსჟ“-სთან, „ინტერთან“, „ბარსელონასთან“, „დორტმუნდთან“ და „ლაიფციგთან“ ერთად იკავებს.

უნდა აღინიშნოს, რომ ჯგუფური ეტაპის ფარგლებში „რეალი“ ვერ ითამაშებს ესპანურ გუნდებთან და ერთი ქვეყნის ორ წარმომადგენელზე მეტთან. 

ჯგუფში „რეალს“ 8 მეტოქე ეყოლება, გუნდი 4 მატჩს ბერნაბეუზე გამართავს და 4-ს გასვლაზე. ზუსტი კალენდარი კი 31 აგვისტოს გახდება ცნობილი.

ჩემპიონთა ლიგა 17 სექტემბერს აიღებს სტარტს და ჯგუფური ეტაპი 29 იანვრამდე გაგრძელდება. 

ფინალური დაპირისპირება 31 მაისს, მიუნხენში გაიმართება. 

მეორე კალათაში არიან „ლევერკუზენი“, „ატლეტიკო“, „ატალანტა“, „იუვენტუსი“, „ბენფიკა“, „არსენალი“, „ბრიუგე“, „შახტარი“ და „მილანი“.

მესამე კალათის გუნდებს წარმოადგენენ „ფეინოორდი“, „სპორტინგი“, „პსვ“, „ზაგრები“, „ზალცბურგი“, „ლილი“, „იანგ ბოისი“, „სელტიკი“ და „ესტრელა ვერმელია“.

მეოთხე კალათის გუნდები არიან „სლოვანი“, „მონაკო“, „სპარტა“, „ასტონ ვილა“, „შტუტგარტი“, „გრაცი“, „ბოლონია“, „ჟირონა“ და ბრესტი.