„მარკას“ ინფორმაციით, დანი სებალიოსმა „რეალის“ სამწვრთნელო შტაბს აცნობა, რომ კლუბს არ შეიცვლის.

დაიბლოკება, როგორც „ბეტისის“, ასევე მადრიდის „ატლეტიკოს“ და „მონაკოს“ წინადადებები.

როგორც ჩანს, სება დარწმუნდა, რომ ამ სეზონში გაცილებით მეტ სათამაშო დროს მიიღებს, სწორედ ამიტომ, გუნდიდან წასვლაზე აღარ ფიქრობს.

„მარკას“ ცნობით, გუშინ ენრიკე სერეზომ „ბლანკოსს“ ახალი შეთავაზება გაუგზავნა, მაგრამ „მერენგებმა“ უკვე იციან, რომ დანი არსად მიდის.

კარლო ანჩელოტიმ ნახევარმცველს აუხსნა, რომ კოლექტივში მისი საჭიროება არსებობს და შანსი მნიშვნელოვნად გაიზრდება.