სამეფო კლუბში არსებული გაუგებრობით სარგებლობა მადრიდის „ატლეტიკოს“ სურს.

დიეგო სიმეონეს გუნდმა დანი სებალიოსთან დაკავშირებით 2-ჯერ მიიღო უარი, მაგრამ ახლა ვითარება შეცვლილია.

მას შემდეგ, რაც სამეფო კლუბს „ბეტისი“ და „მონაკო“ დაუკავშირდნენ, კარლო ანჩელოტისა და ესპანელ ფეხბურთელს შორის პირისპირ საუბარი შედგა, სადაც იტალიელი კმაყოფილი ნამდვილად არ იყო.

ახლა სიტუაციით სარგებლობს კვლავ „როხიბლანკოს“ სურს. არსებული ცნობით, „ატლეტიკოს“ პრეზიდენტმა, ენრიკე სერეზომ პირადად დაურეკა ფლორენტინო პერესს და ტრანსფერის დასრულება სთხოვა.

მადრიდული გამოცემების ცნობით, „მეტროპოლიტანოს“ მკვიდრნი, სებას სანაცვლოდ 22 მილიონ ევროს იხდიან და მზად არიან, ფეხბურთელს 4 წლიანი კონტრაქტი შესთავაზონ.