ხორხე ვალდანოს აზრით, „ბარსელონამ“ ესპანეთის ჩემპიონატი ძალიან სტაბილურად დაიწყო.

„3-იდან 3 მოგება მარტივი არ არის, თანაც მაშინ, როდესაც ევროპის ჩემპიონატის გამო ფეხბურთელები არც ისე კარგ კონდიციაში არიან.“

„ფლიკის გუნდმა 9 ქულა მოაგროვა, „რეალს“ კი ამ ეტაპზე 4 ქულა აქვს და ვალდებულია, „ლას პალმასი“ დაამარცხოს და სხვაობა 2 ქულამდე შეამციროს.“

„სანამ სანაკრებო პაუზა დაიწყება, „რეალი“ „ბარსელონას“ არ უნდა ჩამორჩეს, ხოლო სექტემბრის მეორე ნახევრიდან გალიდერებაზე იფიქროს.“

„ეს არის მომენტი, როდესაც სამეფო კლუბი სასტარტო ტურებს ფორმაში შესასვლელად იყენებს, მაგრამ ამას დიდი დრო არ უნდა მოანდომოს.“