ესპანური გამოცემების ცნობით, თუ დანი სებალიოსი სამეფო კლუბს დატოვებს და „ბეტისს“ მიაშურებს, „რეალი“ ახალ ნახევარმცველს დაიმატებს.

ჯერ-ჯერობით უცნობია, ვისზე შეაჩერებს არჩევანს სამეფო კლუბი, თუმცა მადრიდული გამოცემები იუწყებიან, რომ ფლორენტინო პერესს არჩევანი გაკეთებული აქვს.

სამწვრთნელო შტაბის აზრით, ნახევარდაცვაში კიდევ ერთი დანაკლისის შემთხვევაში, დიდი პრობლემები შეიქმნება, სწორედ ამიტომ, კლუბი ამ რგოლს გააძლიერებს.

ამ ზაფხულს „მერენგების“ რიგები არაერთმა ნიჭიერმა კანტერანომ დატოვა, ვინაიდან დანის წასვლას არავინ ელოდა, ახლა კი მოცემულობა განსხვავებულია და ნახევარმცველის საჭიროება დგება.

როგორც ჩანს, სატრანსფერო ფანჯრის ბოლო დღეები სამეფო კლუბში საინტერესოდ ვითარდება.