„მარკას“ ცნობით, კარლო ანჩელოტი მიიჩნევს, რომ სამეფო კლუბს საკმაოდ დიდი რესურსი აქვს და როტაციისთვის „ბ“ გუნდის ჩამოყალიბებას გეგმავს.

წინა ხაზში ენდრიკ ფელიპე, ბრაჰიმ დიასი და არდა გიულერი საკმაოდ მძლავრ ტრიოს წარმოადგენს. ამასთან ერთად იტალიელის განკარგულებაში არიან მბაპე, ვინი და როდრიგო. სწორედ ამიტომ „ბლანკოსში“ მიიჩნევენ, რომ ალტერნატიული შეტევის ხაზის ჩამოყალიბება გუნდს უფრო აგრესიულს და პროდუქტიულს გახდის.

როტაციები ასევე შეეხება დაცვის ფლანგებს და შანსი ხშირად მიეცემათ ლუკას ვასკესს და ფრან გარსიას.

კარლო მიიჩნევს, რომ 2017 წლის „რეალის“ პროექტის განმეორება, რომელიც ზიზუმ იდეალურად გამოიყენა, კარგ შედეგებს მოიტანს. მაშინ ფრანგ ლეგენდას ფაქტობრივად 2 გუნდი ჰყავდა და რესურსის მნიშვნელოვან დაზოგვას ახდენდა.