ესპანური გამოცემების ცნობით, სამეფო კლუბს ახალი გეგმა აქვს, რომელიც ჩამოყალიბების პროცესის ბოლო ეტაპზეა.

კაზემირო წავიდა, კროოსი წავიდა და ლუკა მოდრიჩი ნამდვილად ბოლო სეზონს ატარებს სამეფო კლუბში.

ფედერიკო ვალვერდე, ორელიან ჩუამენი, ედუარდო კამავინგა და დანი სებალიოსი უკვე საკმაოდ დიდ გამოცდილებას ფლობენ, ამას ემატება არდა გიულერიც, თუმცა ის უფრო სხვა ტიპის მოთამაშეა, სწორედ ამიტომ, ფლორენტინო პერესი მიიჩნევს, რომ 2025 წლის ზაფხულის სატრანსფერო აქტივობების განხორციელება უკვე უნდა დაიწყოს.

„რეალი“ მომდევნო ზაფხულს აქტიური იქნება და 2 ტოპ კლასის ნახევარმცველის დამატებას შეეცდება. ჯერ-ჯერობით უცნობია კანდიდატურები, თუმცა მადრიდულ ოფისებში ფაბიან რუისის გვარი ხშირად ისმის.

„ბლანკოსში“ მიიჩნევენ, რომ თავდასხმაში პრობლემა აღარ არსებობს და ახლა გუნდმა ძლიერი შუა ხაზის შექმნაზე უნდა იზრუნოს. უკვე ათწლეულზე მეტია „მერენგების“ რიგებში საუკეთესო ნახევარდაცვა გამოდის, თუმცა ახლა ეს პროცესი შესუსტებისკენ მიდის.