ხუანდე რამოსის აზრით, მადრიდის „რეალში“ თაობათა ცვლა ჯერ კიდევ არ დასრულებულა და ახლა კოლექტივში სერიოზული მატებაა საჭირო.

„ერთი შეხედვით „რეალს“ შემადგენლობის მხრივ არანაირი პრობლემა არ აქვს, მაგრამ რეალურად ამ გუნდს 3-4 მაღალი დონის ფეხბურთელი სჭირდება.“

„ვფიქრობ, სამეფო კლუბმა სერიოზულად უნდა იფიქროს მოედნის ცენტრის გაძლიერებაზე და ახალი ფეხბურთელის მოყვანაზე, ვინაიდან კროოსი დიდი დანაკლისია, ამას კი 1 წელიწადში მოდრიჩიც დაემატება.“

„გარდა ამისა, უნდა აღინიშნოს, რომ დაცვის ცენტრსა და ფლანგებზეც პრობლემებია. კარვახალს შემცვლელი სჭირდება, მარცხენა ფლანგზე კი მოწოდების სიმაღლეზე არც მენდი დგას და არც გარსია.“

„გამიკვირდა ნაჩოს გუნდიდან წასვლა, ის უნივერსალური მცველია და ბევრ პოზიციაზე ეხმარებოდა გუნდს, ახლა კი დაცვის ცენტრშიც არის მოთამაშე დასამატებელი.“

„მბაპეს ტრანსფერმა ყველაფერი გადაფარა, მაგრამ რეალურად „ბლანკოსს“ გაცილებით მეტი სჭირდება.“