მადრიდის „რეალის“ ფეხბურთელებმა ლა ლიგის მესამე ტურისთვის მზადება დაიწყეს.

ფეხბურთელები, რომლებმაც მეორე ტურში სასტარტო შემადგენლობაში ითამაშეს, აღდგენითი პროცესით დაკავდნენ, დანარჩემებმა კი სრულფასოვანი დატვირთვა მიიღეს.

ვალიეხო კვლავ სატრენაჟორო დარბაზში ვარჯიშობდა, ხოლო კამავინგა, ალაბა და ჯუდ ბელინგემი აღდგენით პროცესს აგრძელებენ.

სესიაზე დიდი ყურადღება დაეთმო ბურთის ფლობის კომპონენტს, პრესინგს, კარში დარტყმებს, ტაქტიკურ მონახაზებს და მოკლე სივრცეში ზუსტ თამაშს.